AMD и Intel ќе овозможат виртуелен Android во Windows

AMD го објави своето партнерство со BlueStacks со кои заедно ќе работат на свои хибридни Windows/Android уреди. Решението на AMD e исто со тоа на Intel, односно, виртуелен Android во Windows. Ова значи дека корисниците ќе можат да ги стартуваат своите Android апликации под Windows 8 оперативниот систем, како останатите Windows апликции. Сепак, според најавите, AMD уредите ќе бидат подобри од Intel за овие операции. Пред се AMD најавува дека нивните процесори ќе доаѓаат со интегриран ARM чип, што значи дека Android апликациите ќе бидат поефикасни и ќе трошат помалку батерија. Одговорот на Intel е Bay Trail чипот кој е подеднакво добар за двата оперативни системи.

„Ако креирате поголема конфузија помеѓу десктоп, Metro и Android модот на работа, ова не е добро за пазарот. Но ако е направено правилно тогаш го прави PC-то покорисно“, вели Росен Шарма од BlueStack.

Досега ова беше возможно со Bluestacks app player која овозможува Android апликации да се користат на Windows PC, Macintosh и Windows таблет компјутери. Покрај Intel и AMD уреди со двоен оперативен систем веќе објавија Samsung (AtivQ) и ASUS. Засега останува непознат одговорот на Microsoft, но тешко е да се претпостави дека хибридните уреди ќе добијат дозвола од компанијата, уште повеќе што Google е цел на напади во цела серија реклами во анти-кампања која ја води против Google, Scroogled. Microsoft поради ова се обидува да ги разубеди производителите да се откажат од овие планови, велат извори на Verge. Слично како и конкуренцијата и Google се чини дека не е воодушевен од овие уреди, па би можел да покрене забрана на Google Play за го заштити оперативниот систем од фрагментација.

[youtube]9yJh9wqEi2Y[/youtube]