Dark mode, или темен режим се препорачува во доцните часови. Кога работите во слабо осветлени места или пак читате/ пишувате повеќе, Dark Mode би требало да ги заштити вашите очи и да овозможи по релаксирачко впивање на информациите.
Многу популарни апликации веќе имаат Dark Mode, но веб сајтовите сѐ уште заостануваат. Night Eye е екстензија за вашиот прелистувач и ви дозволува да имате целосна контрола врз тоа како изгледа вашиот екран. На располагање имате три опции, Dark, Filtered, и Normal, но лесно можете да направите дополнителни прилагодувања. Па така, преку Night Eye можете да ја менувате светлината, боите и други вредности.
Night Eye работи на скоро секој прелистувач и ви помага за скоро секој веб сајт. Единствен „недостаток“ е тоа што е бесплатен само три месеци. По истекот на пробниот период, потребно е да се претплатите (9 долари, годишно) или да направите еднократна финансиска посвета (40 долари, засекогаш). Нашиот впечаток е дека Night Eye помага сајтовите кои секојдневно ги посетуваме да добијат посебна димензија која е значително попријатна за очите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
