AFRON (AfricanRoboticNetwork), распиша конкурс за дизајнирање на робот со прифатлива цена. За цена од околу десет долари инженери, студенти или робо-ентузијасти треба да изработат идејно решение за целосно функционален робот. Иако максималната цена од 10 долари е нереалистична дури и според идејните творци на конкурсот, целта е да се добие евтин робот кој ќе биде достапен во образованието на сиромашните држави во Африка.
„Очигледно дека 10 долари е многу… малку нереалистично, но сакавме да поставиме цена која ќе ги мотивира луѓето да размислуваат.“, вели професорот Кен Голдберг од Беркли за Wired.
Функцијата на прототипот не е важна, но важно е роботот да биде програмабилен и да може да се реагира на околната средина. Единствено што може да ги спречи учесниците во учество на конкурсот е ако деловите од кои е составен прототипот се поскапи од 100 долари.
Наградите од конкурост се симболични и се движат од 100 до 500 долари и Raspberry Pi за првите три места. Сепак главната цел на проектот е поквалитетно образование за поголем број на студенти во цела Африка.
(Фотографијата е од Робомак 2012)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Brainster 
