Добредојдовте во облакот. Слободно седнете си пред вашиот резервиран Windows 7 компјутер поврзан со супербрза гигабитна интернет конекција, директно преку вашиот iPad. Ова е сценариото што лично ќе го искусите со новата OnLive Desktop Plus претплата за iPad апликацијата OnLive која директно ве поврзува со компјутер кој има опремен Windows 7, Adobe Reader, Adobe Flash Player и Internet Explorer 9.
Со оваа мала 5 MB апликација за iPad вие можете бесплатно да користите основни функции на Windows 7 компјутерите што се поставени во компјутерската фарма на ОnLive, спремни за користење. Можете да го користите OnLive бесплатно, но OnLive Desktop Plus овозможува сурфање преку IE9 и приоритет за користење на компјутерите, што значи дека нема да чекате за да добиете компјутер.
Според Engadget искуството со сурфање било зачудувачки брзо, повеќето Flash базирани апликации или HTML 5 видеа што обично им треба подолго време да се подигнат, преку гигабитната врска на OnLive се подигале скоро инстантно.
Иако овој сервис не нуди можност за инсталација на програми, сепак веќе постоечките HTML5 или Flash апликации базирани во облакот можат да се користат без проблем. Во овој случај апликациите на Aviary за видео монтажа или обработка на фотографии, одлично ќе послужат. Може со сигурност да очекуваме дека се повеќе ќе се потпираме врз апликации што се поставени на далечни сервери, кои комуницираат меѓу себе и ни овозможуваат далеку повеќе од тоа што хардверот на нашиот мобилен уред може да го поднесе.
[youtube]ql6VayueUjY[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
