ACTA e скоро мртва, признава евро-комесарката за Дигитална агенда

во ИТ.ЕУ

Ние сме сега свет без SOPA и ACTA, вели евро-комесарката за Дигиталната агенда на ЕУ, Нели Крус во својот берлински говор.

ACTA, интернационален трговски договор за борба против пиратеријата и фалсификатите коj бараше провајдерите да ги следат корисниците, моментално се наоѓа пред Европскиот суд за правда кој ја проверува легалноста на договорот, пред истиот да биде даден на Парламентот за гласање. Но, според подеталните анализи се чини дека договорот нема да помине. Tоа сега го признава и евро-комесарката Крус.

Според г-ѓа. Крус, протестите кои го следеа потпишувањето на контроверзниот договорот беа еден вид „будење и мирисање на розите“.

„Видовме како илјадници луѓе се спремни да протестираат против правила кои за нив ја спречуваат отвореноста и иновацијата на Интернетот.“, вели евро-комесарката Крус, и додава: „Ова е нов политички глас. И како сила за отвореност, јас го прифаќам, иако не се согласувам секогаш со се што вели на секоја тема.“

Таа во својот говор за интернет слобода вели дека мора да се најдат решенија за Интернетот да остане слободно место, отворено и иновативно за сите граѓани, не само за техно-авантгардата. Но, исто така не смее да се заборави и на криминалците кои ја злоупотребуваат таа отвореност, и затоа треба да има одредени правила и безбедносни мерки.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Subscribe
Notify of
guest
0 Коментари
Newest
Oldest Most Voted
Inline Feedbacks
View all comments
види ги сите огласи на kariera.it.mk