Achilles: Legends Untold е Souls-like акциона RPG игра од изометриска перспектива

Љубителите на Titan Quest и Diablo кои бараат Souls-like алтернатива, би можеле да го насочат вниманието на Achilles: Legends Untold. Играта е дел од раниот пристап на Steam нешто повеќе од година дена. Развојниот тим, Dark Point Games го имаат искористено времето значително да ја надградат играта и да воведат бројни новитети.

Старо-грчка инспирација

Играјќи со грчкиот херој, ќе истражувате бројни места и ќе се соочувате со најразлични непријатели во човечка или животинска форма. Со оглед на тоа дека се работи за гејмплеј механики засновани на souls игрите, потребно е да ги проучувате непријателите, да внимавате на пристапот, да ги избегнувате нивните, а да ги темпирате вашите напади. Во спротивно, умирањето знае да биде честа појава. Но, токму и тука е најголемата предност во оваа игра затоа што системот за надградба е осмислен на уникатен начин и ќе можете да отклучувате различни механики кои ќе ви помогнат за полесно справување со предизвиците.

Низ играта, ќе биде потребно да донесувате одредени одлуки… и да се носите со нив!

Приказната се труди да ве вовлече во универзумот и да изгради комплексен лор, но ние некако не успејавме да бидеме одушевени, првенствено поради глумата која, на моменти, делуваше пластична и неверодостојна. Од друга страна, бевме апсолутно импресионирани од дизајнот на мапите и уникатниот пристап на непријателите. Управувани од напреден AI систем, непријателите се поставуваат во зависност од околината во која се наоѓаат, знаат да ги здружат силите и да организираат координиран напад против вас.

Она што нема да можете да го најдете, ќе можете да си го направите, преку системот за крафтање

Achilles: Legends Untold има се што би можеле да посакате од ваков тип игри. Визуелно привлечни места кои го охрабруваат истражувањето и предизвикувачки непријатели чија ликвидација инстантно ве наградува со чувство на достигнување. Овие две работи мајсторски се испреплетени од богатиот RNG плен и моќни, но корисни способности. Одлична комбинација која успешно ве турка да продолжите и да не се откажувате, дури и по таложењето бројни порази.

Се работи и на верзија за конзолите

Dark Point Games тврдоглаво одбиваат да ја исфрлат играта надвор од раниот пристап на Steam. Неуморно работат на се што имаат зацртано за играта, а како се чини, бројот на надополнувања и понатаму ќе продолжува со забрзан интензитет, се додека не се целосно прошири кампањата со два можни завршетоци, нови локации за истражување, проширено дрво со вештини, стабилен режим за ко-оп и разноврсност како во поглед на непријателите, така и во поглед на пленот.

Повеќе детали за играта

  • Произведува: Dark Point Games
  • Издава: Dark Point Games
  • Жанр: Action RPG/ hack and slash/ Souls-like
  • Платформа: Microsoft Windows, се планира верзија за конзоли
  • Излезена на: Ран пристап на Steam

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Subscribe
Notify of
guest
0 Коментари
Newest
Oldest Most Voted
Inline Feedbacks
View all comments

ит кариера

Matrix IT Global Services Macedonia

Product Designer

MDH Insurance Services DOOEL

Mid/Senior .NET Software Developer

Matrix IT Global Services Macedonia

Junior Technical Support Specialist

види ги сите огласи на kariera.it.mk