Facebook на барање на руските власти, ја отстрани страната на која се организираа протести во организација на Алекс Навални, најголемиот критичар на Владимир Путин. Страната е блокирана на барање на Роскомнадзор, односно Федерална служба за надзор на комуникација, информациски технологии и медиуми, јави Washington Post.
„Изненадени сме од брзината со која Facebook одлучи потврдно да одговори на барањето на Роскомнадзор, без притоа да ги консултира организаторите на настанот“, вели Кира Јармуш, портпатол на г. Навални за Bloomberg.
Потегот на друштвената мрежа е разочарувачки за поддржувачите на протестите, иако во Русија, Facebook има едвај 10 милиони корисници. За жал претходно повикот на г. Навални беше отстранет и од најголемата руска мрежа – ВКонтакте. Основачот на оваа друштвена мрежа Павел Дуров, кој и самиот е жртва на режимот, кој побара од друштвената мрежа да престане со помагање на цензурата.
Facebook has no guts and no principles. A shame they keep spreading their lack of values by growth and acquisitions http://t.co/Nqe8ML5b1B
— Pavel Durov (@durov) December 21, 2014
Организаторот на протестите Алекс Навални е обвинет за измама, а на 15 јануари ќе му биде изречена пресудата. За овој судски процес тој тврди дека е монтиран поради неговата одлучност да го разобличи недемократскиот режим на г. Путин. Ова не е прв пат, а најверојатно нема да биде ни последен, Русија да биде обвинета за цензура и за ограничување на пристапот на интернет. Дури и на аквизицијата на двете најголеми друштвени мрежи ВКонтакте, Одноклассники од Mail.ru се гледа како на обид за контрола на информациите кои пристигаат до граѓаните.
Коментари
Нема коментари. Отвори форумска тема и започни ја дискусијата.