Фанови го вратија Pirate Bay „за да го зачуваaт за идните генерации“

Потребни беа помалку од пет дена по рацијата на шведската полиција за популарниот торент сајт Pirate Bay повторно да се најде oнлајн. Оживувањето доаѓа со архивирана верзија на Pirate Bay, откако истиот тим кој го врати Isohunt го врати и Pirate Bay, на oldpiratebay.org.

„Како што веќе знаете, Pirate Bay е недостапен засега. Ни недостасува. Чест е што го направивме oldpiratebay пребарувачот. Ние, Isohunt.to тимот, ја ископиравме целата архива и ја зачувавме за следните генерации на корисници. Ништо нема да биде заборавено“, велат од IsoHunt.to.

Станува збор за копија на претходната верзија на сајтот, а корисниците нема да можат да споделуваат нови торенти, иако веќе можат да се забележат свежи пиратски содржини. Единствена поголема разлика е бојата, па PirateBay ја замени кафеавата со сина.

Сепак доколку Pirate Bay успее да се врати по оваа рација, New Isohunt најави дека ќе го симне својот сајт. Интересно, по затворањето на Pirate Bay бројот на IP адреси од кој се споделуваа торенти падна за 6 милиони (од 101 милиони). Ова траеше неколку дена по што бројот на IP адреси повторно се врати на својата стара бројка, јави Variety. Ова е одличен показател дека е затворањето на еден торент сајт е привремена мерка, можеби изненадување е единствено колку краткотраен ефект имаше затворањето на можеби најпопуларниот торент сајт.