Претставен Skoool.mk

„Порталот е од особено значење за образовниот процес во Македонија затоа што ги опфаќа предметите математика, биологија, хемија и физика за основното образование, а дел од нив ќе се користат за средните училишта.“ вели министерот за информатичко општество, Иво Ивановски.

Skoool.mk е тазе објавен сајт од страна на Intel и МИО на конференцијата, па затоа на порталот нема кој знае колку содржина. Но од таа содржина која ја има достапно може да се види дека има интерактивни лекции, некои во видео форма, заедно со тестови и други белешки од предавањето. Најавени се и летни обука за наставниците кои што предаваат по овие предмети.

ИТ министерот Ивановски рече дека учениците ќе добијат уште 65.000 компјутери со што Македонија ќе стане една од поразвиените земји во регионот со сооднос 1.4 студенти на 1 компјутер.