Добри вести доаѓаат од лабораторијата на Microsoft каде истражувачи најдоа начин да ги стабилизираат снимките и да ги направат побрзи. Се работи за софтвер – First-person Hyperlapse – кој ја стабилизира снимката така што и додава нови фрејмови, според анализа на длабочината на полето.
Hyperlapse на Microsoft е дизајниран за GoPro и другите спортски камери, кои најчесто се закачени на кацигата, и најчесто се користат во услови каде е тешко да се стабилизира снимањето. Резултатот од овие спортски камери иако е интересен, за жал e лош, велат истражувачите, бидејќи долгите снимки гледани со нормална брзина се досадни, а ако ги забрзате видеото станува ужасно. Hyperlapse треба да ги реши двата проблеми – да ја стабилизира снимката, и да ги направи таканаречените time-lapse видеата подобри за гледање. За жал, оваа алатка не е достапна за симнување, но би требало да се појави наскоро како Windows апликација.
[youtube]SOpwHaQnRSY[/youtube]
