Опуштете се со пријатните звуци на A Soft Murmur

Независно од тоа дали сакате да работите, учите, спиете или едноставно да се релаксирате, A Soft Murmur е веб сајт и апликација која ве опсипува со пријатни звуци.

Некои луѓе се смируваат со слушање како дожд паѓа, други со огин како гори, а трети со комбинација од двете, плус со повремени звуци на птици, штурчиња, бранови, ветер, или грмотевици. A Soft Murmur го има сево ова и многу повеќе.

По посетување на веб сајтот, одбирате какви звуци сакате да слушате и со кој интензитет. По направените прилагодувања, можете инстантно да започнете со слушањето, а доколку вашето експериментирање со звуци вроди интересен микс, можете истиот да си го сочувате, за да веднаш дојдете до него при наредната посета.

Покрај веб сајт, A Soft Murmur се испорачува и како апликација за iOS, односно Android. На располагање имате многу звуци. Во случај да сакате уште повеќе, попрецизно, уште 13 дополнителни звуци, потребно е да направите надградба на вашата сметка.