Доколку се решите да купите нов компјутер или пак да го реинсталирате оперативниот систем на стариот, тогаш знаете колку е мачно барање, преземање и инсталирање на најчесто користените апликации.
Ninite е веб сајт кој ви ги сервира сите најчесто користени апликации, ви дозволува да ги одбележите оние апликации кои ги сакате и потоа ги преземате сите како еден инсталационен фајл. Со покренување на фајлот, сите претходно обележани апликации се инсталираат на компјутерот.
По посетување на сајтот, бројните апликации се уредно подредени во категории како прелистувачи, документи, слики, безбедност и слично. По селектирањето на апликациите и кликнување на копчето Get your Ninite започнува автоматско инсталирање.
