Pirate Bay до RIAA: Не може да не изгасите

Вчера Pirate Bay се изгаси. Германската хостинг компанија Cyber Bunker, со сервери во нуклеарен бункер, доби судска наредба да престане да го обслужува торент сајтот, а со тоа се претпостави дека дошол крајот на пиратите.

Но… тие се повторно онлајн и со порака:

„Ве молам научете: TPB не може да се изгаси“ е насловот на блог постот на Pirate Bay во кој покрај изјавата дека тие сами одлучиле да сменат хостингот, се крие и навредлива порака наменета на RIAA, музичката асоцијација на Америка.

Сега торент сајтот е хостиран од Пиратската партија на Шведска, која може да биде многу сериозен противник за музичката и филмска индустрија. Пиратската партија на Шведска, која има пратеник во евро-парламентот, се изјасни дека ќе го хостира сајтот за да „ја истакне слободата на изразувањето.“

Според Пиратската партија, TPB е интернет пребарувач, а таквата активност е легална.

„Ни се здосади од играњето мачка и глушеџ на Холивуд со Pirate Bay и затоа се одлучивме да им понудиме проток на интернет. Време е да го зграпчиме бикот за рогови и да се избориме за тоа што веруваме дека е легитимна активност.“ рече Рик Фалквинге од Пиратската партија на Шведска.