500px ќе ги продава фотографиите преку Prime; ветува 30% дел за авторите

500px, еден од попопуларните сервиси за споделување фотографии, презентирани пред публиката како порфолио, најави дека ќе стартува 500px Prime сервис за издавање на лиценци за користење на фотографиите. 500px Prime нема да биде како GettyImages и другите слични сервиси преку кои можат да се купат дигитални и оригинални фотографии. Според сервисот, 500px нема да се ангажира во „трката за дното“, односно лиценците нема да бидат ефтини и ќе започнуваат од 250 долари.

Добрите вести за сите 3 милиони фотографи на мрежата е што 30% од платената лиценца ќе оди за нив „без разлика која лиценца е купена, и кој ја купил“. Сигурно авторите очекуваат поголем процент од продажбите, но 500px се надева дека има подобра алатка за дистрибуција на фотографиите кои можат да се оценат дали ќе бидат успешни пред да се купат, преку системот на оценување на реакциите кој го има мрежата.