{mosimage}Адам Вилсон, студент на постдипломски студии на универзитетот во Винсконсин, работејќи на проект од областа на био-медицински инжинеринг успеал да создаде уред преку кој може да се постира на сервисот за микро-блогирање Twitter користејќи го само мозокот, т.е. преку следењето на мозочните бранови!
"Испратено од BCI2000" е првиот твит
(пост на Twitter) кој беше објавен на профилот @uwbci.
{mosimage}
Уредот на Вилсон – кој е надоградба на машината BCI2000 која преведува мисли во текст на компјутерски екран и се користи во повеќе од 100 лаборатории низ светот – ги следи мозочните бранови и активности и комбиниран со монитор на кој може да се одберат букви, овозможува да ги претворите своите мисли во твит.
Планот на универзитетот позади овој проект е да пронајде начин како оваа технологија може да биде корисна за луѓето со хендикеп. Следниот
чекор е да го тестираат уредот во домовите на 10 луѓе кои се пријавиле за ова истражување.
"Знаеме дека овој уред кој ги поврзува мозокот и компјутерот работи. Следното прашање е како да го интегрираме во домовите на луѓето, кои сами би можеле да ја инсталираат машината." – изјави Вилсон за Wired.com.
Овој начин на претворање на мисли во текстови
и компјутерски активности несомнено ќе инспирира голем број научници, очекувам наскоро да бидеме сведоци на неколку слични револуционерни уреди.
