Откако беше отстранет од Google Play, AdBlock Plus се враќа на Android

Пред неколку денови од Google ги отстрани сите апликации за блокирање на рекламите од Google Play, бидејќи го нарушуваат правилото во 4,4 од нивниот Договор за развивачи. Една меѓу апликациите кои ги снема во мракот беше и популарната AdBlock Plus која се користи најчесто како екстензија на некој од популарните прелитувачи. Но, наместо да се повлече од Android, AdBlock Plus реши да се врати со со нова апликација и со овозможено автоматско надоградување, иако овојпат нема да биде Google Play.

Денес е објавена верзијата 1.1 за Android која ќе мора да биде инсталирана преку официјалниот сајт на AdBlock Plus или некој од другите сервиси кои не се во надлежност на Google Play.

Корисниците кои веќе ја имале инсталирана апликацијата на Android, ќе може да продолжат да ја користат, но доколку сакаат да напарават надоградба, тоа нема да им биде овозможено, бидејќи апликацијата повеќе не постои на Google Play. Токму затоа се повикуваат корисниците да ја избришат старата апликација и мaнуално да ја инсталираат новата верзија.