Women In Tech Macedonia организираат онлајн ит-настан под мотото „Demystifying Embedded“. Како што може да претпоставите фокус на настанот се ембедираните технологии. Говорник ќе биде Елена Петревска, Embedded Software Engineer во Pepperl+Fuchs SE, Германија.
Говорот ќе трае еден час. Во ова време Елена ќе објасни повеќе за својата ИТ кариера и за тоа како оваа технологија се користи во денешното секојдневие и воедно што ја прави незаменлива и барана.
Елена Петревска е Embedded Software Developer во Pepperl+Fuchs SE. Има завршено електротехника на универзитетот за аплицирани науки Манхајм во Германија; веќе 6 години работи во Embedded секторот на индустриски уреди. Освен во Embedded, има познавања и од други технологии како: Web Development, Internet of Things, Cloud; постојано е заинтересирана и учи нови технологии како што доаѓаат на маркетот.
Demystifying Embedded ќе се одржи на 27 август од 19 часот. Билетите се бесплатни и достапни на Everbrite.
