YouTube Capture е апликација која овозможува снимање и споделување на видео снимено со iPhone и iPod Touch. Користењето на апликацијата е едноставно, само ја вклучувате и ја насочувате камерата на телефонот. По завршување на снимањето, видеото е спремно за споделување иако може да го збогатите со корекција на бои, стабилизација, но и овеќе различни алаткии.
Видеото може да го споделите истовремено на Google+, Facebook, Twitter и се разбира YouTube, иако веќе постои интегриранa oпција за директно закачување видеа на YouTube. Приватноста на содржина е ваш избор и можете да одберете дали видеото ќе ви биде достапно само вас, на сите кои го имаат линкот или пак ќе биде јавно видео.
Ова е уште една апликација од Google во Apple App Store, но овојпат ова е една од ретките кои прво доаѓаат на iPhone, па дури потоа на Android. YouTube ја најави дека ќе се појави „наскоро“. YouTube Capture е оптимизирана за iPhone 5, но компaтибилна е и со iPhone 3GS, iPhone 4, iPhone 4S, iPhone 5, iPod touch (3та генерација), iPod touch (4та генерација), iPod touch (5та генерација) and iPad. Сепак потребен е iOS 5.0 или iOS 6.
