Единаесет годишната Луси Валковиак отвори улично интернет кафе за граѓаните на Њу Џерси кои останаа без струја и интернет поради ураганот Сенди. Во интернет-кафето поставено во еден од неколкуте блокови во Хабокен каде што има струја, посетителите можат да го наполнат својот телефон и да се приклучат на интернет.
Девојчето за возврат од посетителите бара единствено мали донации до организацијата на Црвениот Крст. Импровизирано интернет кафе е целосно нејзина идеја, истакнува нејзиниот татко Стив Валковиак.
„Луси многу работи за заедницата и преку нејзиното училиште, ова е последица на тоа што го има научено.”
Веста за девојчето кое им овозможува на соседите да комуницираат со светот прв ја објави Philly Mag, а потоа ја објавија поголем број на весници и портали кои и ја зголемија интернет популарноста на Луси.
Коментари
1 коментар
Коментарите се затворени.