Microsoft ја oтвори Windows Store за развивачи од над 120 земји. Македонија е присутна на листата држави-конзументи, но ја нема земјата во делот за програмери, иако речиси во сите соседни држави продавницата е веќе отворене. Ова значи дека македонските корисници ќе можат да купуваат апликации од Windows Store во евра, земјата сè уште не е на листата за користење на локална валута, но програмерите нема да можат да се регистрираат и да започнат да продаваат апликации.
Во краткиот период колку што е отворен Windows Store веќе се избројани 1.033 главно бесплатни апликации, иако некој од нив се наплаќаат. Апликациите ќе бидат достапни во 231 држава, од кои 75 ќе можат да плаѓаат во националните валути, останатите ќе плаќаат во долари односно евра.
Windows Store today is at 1,033 applications internationally, with the 90 locales available right now.
— Wes Miller (@getwired) September 11, 2012
Доколку се отвори пазарот за македонски програмери, тогаш ќе може да се регистрираат за 99 долари за компании и 45 долари за индивидуалци, а доколку сте MSDN или DreamSpark член првата година ќе биде бесплатна.
