Добредојде Instagram на Facebook, му посака друштвената мрежа на својата нова аквизиција на која потроши 750 милиони долари (првичната цена од 1 милијарда опадна поради вредноста на акциите). Во краткиот блог пост Facebook уште еднаш потврди дека мобилната апликација за споделување фотографии ќе остане самостојна апликација, односно нема да ја затвори и интегира во себе, туку ќе соработуваат заедно.
Тоа всушност е и паметна одлука на Facebook, бидејќи Instagram продолжува да расне. Во истиот момент кога беше финализирана аквизицијата, Instagram објави на својот блог дека сега 50-те милиони корисници споделија вкупно 5 милијарди слики.
Ова е неверојатна бројка за сервис кој е само 2 години стар и кој до неодамна имаше само 14 вработени кои сега ќе се преселат да работата во канцелариите на Facebook.
