Makr.io е генератор на меми развиен од основачите на Diaspora

Основачите на друштвената мрежа Diaspora за која се крена премногу фама, но слабо се покажа на дело, објавија нов забавен сервис – Makr.io.

Makr.io е генератор на меми, а неговата цел е многу едноставна – забава за корисникот и посетителите со една слика и неколку зборови текст. Но, од друга страна од компанијата мислат и дека овој сервис ќе им помогне во привлекувањето на корисници на Diaspora.

„Изработката на Makr ни овозможува повторно будење на нашата креативност и размислувањето да дојдеме до нови идеи и концепти за Diaspora“, истакнуваат од компанијата.

Посетете го Makr.io, направете ваша приказна и оставете да се прошири на секаде низ интернетот.