Јапонскиот производител на автомобили и мотоцикли Honda вчера објави дека поради сајбер напад запреле со производство во неколку производи постројки за производството на автомобили и мотори. Портпаролот на Honda потврди дека се цел на сајбер напад.
Во нападот врз Honda е користен ransomware, а портпаролот објави дека се сомневаат дека малициозниот софтвер е инсталиран на интерните сервери.
Засега нема податоци како напаѓачот успеал да го инсталира својот софтвер на серверите на Honda. Различни измами поврзани со епидемијата се забележани, како испраќање на фишинг пошта со Ковид порака. Како последица на ова забележан е пораст во бројот на ransomware напади.
Покрај главните сервери во Јапонија зафатени се повеќе локации. Дел од производните постројки се отворени, но најголемите погони во САД и Европа сè уште се затворени. Не работат фабриките во САД, Турција, Велика Британија и Италија.
„Honda може да потврди дека сајбер напад е извршен врз мрежата на Honda. Зафатени се и системите надвор од Јапонија“
Покрај производните системи, зафатени и недостапни се и грижата за корисници и финансиските услуги на Honda.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
