Почнувајќи од денес, Chrome Web Store со помош на вашите пријатели ќе може да ви предложи апликации кои можеби ќе ве интересираат и ќе сакате да ги испробате, пишува Хуи Гуо на блогот на Chrome.
Станува збор за интеграција на Google+ во Chrome Web Store и со тоа му се овозможува на секој корисник да ги споделува своите омилени апликации со едноставно кликање на +1 копчето. Предлозите можете да ги видите со избор на менито „From your circles“ кое се наоѓа на левата страна, при што ќе ви бидат прикажани предлозите од вашите пријател, како и тие од тимот на Chrome.
Исто така, со споделување на продуктите на Google+, развивачите ќе може да видат како се задоволни корисниците од нивната изработка, да прочитат нивни коментари, па и да добијат поддршка од некого.
Одличен потег од Google кој ќе им помогне на многумина кои се двоумат помеѓу избор на повеќе апликации кои извршуваат иста работа.
