Google го започнува летното чистење. Денес компанијата ги објави продуктите кои ќе заминат во историјата: iGoogle, Google Video, Chatback, Google Mini и Symbian Search App. Причината поради исклучување на овие сервиси е дека веќе тие се заменети со други или може да се најдат како екстензија во Chrome Web Store.
Прв на листата се најде iGoogle кој беше пуштен во 2005 година и претставува страница која корисникот ќе може самиот да ја преуредува, да додава виџети, RSS читач и слично. Од Google велат дека му поминало неговото време откако излегоа додатоците за прелистувачите. iGoogle ќе биде исклучен на 1 ноември.
Прикачувањето на видеа на Google Video беше оневозможено уште од мај – 2009 година. Корисниците имаат време до 20 август да ја префрлат, избришат или преземат својата содржина. Потоа, Google автоматски ќе ги префрли нивните видеа на YouTube кои ќе бидат поставени како приватни.
Google Talk Chatback претставува(ше) виџет кој корисниците можеа да го поставуват на својот веб-сајт. Сега, Google оваа функција ја нуди преку Meebo Bar, сервис што го купија пред помалку од еден месец.
Покрај овие сервиси, Google ги исклучува и помалку популарните Google Mini и Symbian Search App.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
