Image Tuner e софтверска алатка со која можете да правите најразлични промени на повеќе слики од еднаш. Па така, на брз и ефикасен начин, можете да ја менувате нивната големина, но и да им ги менувате имињата, како и да им го менувате форматот.
Доколку сакате, можете да наметнувате и ефекти и акции кои се од едноставен карактер. Се мисли на акции како превртување, ротирање, или отсекување на делови од сликите, како и вметнување филтри, граници или, пак, менување бои.
Се што треба да направите е да изберете слики, а потоа и какви акции сакате на сите нив од еднаш да им се извршат.
Најновата, седма верзија се подновува со нови икони. Новите надополнувања на корисничкиот интерфејс се замислени да го олеснат приказот на екрани во висока резолуција, како и да ги подобрат перформансите. Во одделот Tasks, ќе најдете нови ефекти во форма на Greyscale и Sepia.
Иако алатка е корисна за вакви операции, упатуваме замерка кон нејзиното форсирање непотребни, дополнителни програми при инсталација.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
