Покрај релативно нестабилниот почеток на годината, Google не престанува да доставува нови надградби за нивната Stadia платформа. Не само што има нови игри, туку и гледаме поддршка за повеќе уреди, како и нови функционалности.
Google нуди две нивоа на претплата со Stadia. Google Stadia Base е бесплатното, со ограничување на максимална резолуција од 1920х1080, а за цена од $9.99 месечно може да одите на Stadia Pro, кое ви дава можност за 4К гејминг. Друга разлика е 5.1 surround звук кај Pro, наспроти стерео кај Base, како и можноста да добивате нови игри, бесплатно, со скоро секоја нова надградба.
И покрај фактот што во месец април корисниците на Stadia Pro ќе ги изгубат Metro Exodus и Thumper, Google најавија мноштво нови игри за нив, и секако, игрите остануваат достапни за купување во Stadia Store. Во моментов, истите корисници имаат пристап до Destiny 2: The Collection, GYLT, GRID, Steamworld Dig 2, Steamworld Quest, и други.
Новите игри кои доаѓаат во април за Stadia Pro се Serious Sam Collection, Stacks on Stacks (on Stacks) и Spitlings. Serious Sam франшизата ќе им биде добро позната на многу гејмери како една од најинтересните брзи пукачки игри во моментов, а колекцијата ги вклучува The First Encounter, The Second Encounter и BFE. Stacks on Stacks (on Stacks) ви дава задача да ставате блокови едни над други со цел да изградите највисока кула што можете, додека Spitlings е хаотична arcade игра наменета за максимум четворица играчи.
Покрај ова, Google исто така на 23 март го најави и Stadia Makers програмот, кој функционира заедно со Unity. Програмот е наменет за независните развивачи на игри, и ќе им понуди техничка помош од експерти кои работат за Unity, како и бесплатен хардвер, и финансиска помош. Google се надева дека со овој програм ќе донесе повеќе игри на платформата, и ќе може да им помогне на сите студија за кои немаа ресурси кога Stadia првпат се пушти во употреба.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
