Google ќе мора да ги открие идните планови за Android

Google ќе мора да му ги открие на конкурентот Apple своите планови за Android платформата, нареди американскиот суд од Чикаго, пишува Bloomberg. Оваа наредба доаѓа во судските битки кои ги водат Apple и Motorola Mobility за прекршување на патенти.

Иако судскиот спор е започнат во 2010-та, тогаш Motorola Mobility не беше во сопственост на Google, сепак судот бара да бидат доставени плановите бидејќи се работи за патенти кои се врзани со користењето на Android. Аpple верува дека многу елементи од интерфејсот на iOS се ископирани на Android.

Моtorola се спротистави на барањето од Apple, велејќи дека Google не е дел од спорот.

„Google-овите вработени и документи не се во сопсотвеност, дел или контрола на Motorola, и Motorola не може да го натера Google да обезбеди документи за продукти на Google.”, велат адвокатите.

Според судијата Ричард А. Поснер, тие документи се потребни бидејќи се „релевантни на обвинувањата и одбраната на Apple”.

Доколку Google биде приморан да ги открие плановите, тој директно ќе му ги достави на раце на својто најголем конкурент. Аpple iOS и Android се двете најпопуларни платформи за мобилни телефони. Apple и Мotorola веќе две години се тужат меѓу себе заради патенти, а Google се вмешува бидејќи нивната Android платформа е всушност спорниот дел од судската приказна. Многумина веруваат дека Google ја купи Motorola само поради патентите за мобилна технологија кои ги има оваа компанија, со цел да го заштити Android од идни тужби и да им обезбеди на производителите без проблеми да ја користат платформата на своите уреди. Пример, HTC и Samsung мора да му исплаќаат лиценци на Microsoft бидејќи го користат Android.