Google работи на говорен асистент за паметната платформа Android кој ќе треба да му конкурира на Siri, асистентот на Apple кој беше ексклузивно преставен со новиот iPhone 4S.
Google пријави патент за говорен асистент пред неколку недели, што ги подгрева шпекулациите дека ќе видиме нешто такво наскоро. Според TechCrunch, апликацијата ќе се појави од крај на годината и ќе се вика едноставно „Assistant”, иако првичните извештаи го именуваа и како Majel.
Целта на Assistant е да го искористи Google пребарувањето, и да биде интегриран со сите други сервиси како Gmail, Google+ и YouTube. Ќе биде со отворен код што ќе значи дека ќе може да се користи и од другите програмери да го интегрираат во своите апликации, пример апликации за патување, друштвени апликации и можеби и игри.
Коментари
Нема коментари. Отвори форумска тема и започни ја дискусијата.