Преведувачот на Google дојде до следната фаза од својот развој. Асистентот на Google сега и официјално има мод на работа со кој може да функционира како преведувач. Google функционалноста ја најави на средината на декември, а сега имаме и прво рекламно видео во кое може да видиме како тоа би функционирало во иднина.
Преводот е во реално време и иако веројатно нема да биде квалитетен како во видеото, без сомневање ќе биде солиден во недостаток на вистински преведувачи. Ова секако е добредојден додаток за помалите хотели, продавнички и компании во туристичките места кои често доаѓаат во допир со странци.
Преведувачот е достапен на 44 јазици и може да се користи и на Android и на iOS.
