Дали новиот Amazon Kindle Fire ќе биде правата конкуренција на iPad?

Amazon го претстави својот нов производ – нов таблет компјутер наречен Kindle Fire кој ќе работи на Android 2.3 оперативен систем. Најголемата предност на таблетот е што е скоро три пати поевтин од конкуренцијата, односно од iPad на Apple. Во време кога Apple ги продаваат своите таблети за 500 долари Kindle Fire на Amazon ќе чини само 199.

Во споредба со iPad 2, Kindle Fire е значително послаб, а дисплејот е 7 инча, два инча помал од конкурентот. Друг голем проблем е што има само 8 GB простор и непостои опција за зголемување, но повторно, е од два до четири пати поевтин од iPad 2. Amazon е сигурен дека таблетот ги има сите функции кои му се подребни на просечниот корисник.  Изгледот на таблетот е прилично едноставен, црна рамка, екран на допир во боја и dual-core процесор. Заедно со таблетот се претстави и новиот прелистувачот Amazon Silk, кој ќе ги кешира претходно страните кои почесто се посетуваат. На пример ако одите на Yahoo и таму често ги читате спортските вести, кога ќе отидете на Yahoo, Amazon Silk однапред ќе ја прочита и спортската страна. Со цел да ги покрие недостатоците на уредот Amazon ќе ги искористи своите „облак” сервиси.

Освен како платформа за читање, слушање музика, гледање филмови и ТВ серии, Kindle Fire е претставен како гејминг таблет. Некако вообичаено први игри кои ќе бидат достапни се Angry Birds и Plants and Zombies. Дополнително најавено е дека еднаш во денот некоја од  апликациите ќе стане бесплатна. Според производителот 8 GB се доволни за 10 филмови, 600 песни или 8.000 книги.

Заедно со уредот ќе добиете и едномесечна претплата на Amazon Prime услугата, чии корисници можат да гледаат повеќе од 11.000 филмови и серии. Toкму ова е најголема предност која Amazon ја има пред конкуренцијата, односно содржините кои ќе ги користите на таблетот ќе мора да ги купите повторно од нив, а имаат и огромната библиотека која ја имаат собрано е огромен плус за новиот таблет.