Google пред некој ден ја прошири функционалноста на копчето +1 додавајќи ги веднаш до него сите пријатели кои кликнале на него, и со тоа овозможувајќи ви да видите што сакаат вашите пријатели. Денес, +1 се збогатува со уште поголема функционалност, овозможувајќи ви со негово кликнување да ја споделите на вашиот Google+ профил веб содржината што ви се допаѓа.
Откако беше претставено во јуни, копчето +1 може да се најде на над милион веб сајтови, со над 4 милијарди прегледи дневно. Со проширувањето на функционалноста на +1, Google ја копира моќта на Like копчето на Facebook. Се разбира Google не би бил Google доколку не направи функционалноста на +1 да биде далеку подобра од Like. Сега кога кликнувате на копчето +1, покрај тоа што на вашите пријатели ја предложувате веб содржината, ви дава можност и да одберете со кои Google+ кругови сакате да ја споделите дадената содржина. Исто така можете и да искоментирате пред да ја споделите веб содржината на Google+, за разлика од копчето Like чие кликнување веднаш ја споделува веб содржината на вашиот Facebook профил .
Проширената функционалност на копчето +1 ќе се појави во текот на неделата, но доколку сакате да го испробате новото +1 копче, тоа можете да го сторите на Google+ Platform Preview.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
