Најинтелигентниот веб пребарувач во светот, Wolfram Alfpha, стартуваше нова опција која ќе овозможи интерактивна визуелизација на дадените резултати. Компанијата зад семантичкиот Wolfram Alpha, Wolfram Research, неодамна стартуваше нов формат на датотека коj треба да го смени начинот на кој ги гледаме документите. Овој формат, наречен Computable Document Format (CDF) има за цел да ги направи документите интерактивни.
Благодарение на CDF форматот, корисниците на Wolfram Alpha со помош на скролачи и разни контролори ќе можат да влијаат на добиените резултати. Па така, 3Д визуализациите сега ќе можат да се зумираат и ротираат. За да се овозможи интерактивноста најпрвин потребно е да се инсталира бесплатниот CDF плагин и потоа на сајтот на Wolfram Alpha да ја активирате CDF поддршката. Ова ќе им биде од голема корист на најчестите корисници на Wolfram Alpha кои се претежно научници и математичари.
Интерактивноста не е сè уште достапна за сите резултати, но таму каде што е достапна навистина дава побогато искуство. Како пример дадена е планетата земја со сите сателити и благодарение на CDF форматот сега со ротирање и зумирање можете да ги видите сите земјини сателити.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
