Ќе биде интересно да се види дали Nokia и Microsoft ќе успеат со здружени сили да одземат дел од се поважниот и исплатлив пазар на паметни телефони и таблет компјутери, или ќе отстанат зад Apple и Google-овиот Android, кој станува се поголем.
Се разбира многу голема улога ќе одиграат како перформансите на уредите, иако Nokia има квалитетни уреди со одлични камери, така и софтверските можности на Windows Phone кој ќе треба да ги привлече програмерите да креаираат апликации. Повеќе апликации значи и поуспешна платформа. Не за џабе Google ги отвори вратите на својот Android Market да собира било какви апликации без да се прегледуваат, нешто што ниту една продавница не практикува, сè со цел да го достигне Apple кој има околу 300.000 апликации.
Соработката меѓу Nokia и Microsoft подразбира да се користат заемни технологии за развој, и Nokia да го отфрли својот Symbian мобилен оперативен систем и да го прифати Windows Phone како примарен, оставајќи го Microsoft да се замара со софтверскиот дел.
(via Windows Phone News)
Коментари
Нема коментари. Отвори форумска тема и започни ја дискусијата.