Полицијата во Лондон започнува да тестира технологија за препознавање на ликови. Полицијата во Лондон ги покани граѓаните да учествуваат во тестовите кои се одржуваат во близина на Soho, Piccadilly Circus и Leicester Square. Тестовите ќе траат 2 дена, а започнаа на почеток на неделата.
Интересно е што лондонската полиција е сосем транспарентна за овие тестови. Униформирани полицајци ќе седат во и околу зоната во која се тестира, ќе делат памфлети и ќе ги известуваат минувачите за тестовите. Никој од минувачите нема да биде одбележен како сомнителен. Сепак ако некој кој е осомничен биде забележан во областа, полицијата ќе реагира.
Камерите ќе работат по 8 часа во денот, а видеото ќе биде избришано веднаш по тестовите.
Технологијата би можела да помогне за значително подобрување на безбедноста, вели Елизабет Денам, комесар за информации на Обединетото кралство. Сепак г-ѓа Денам додава дека примената на ова технологија би можела да биде интрузвна и за луѓето кои не го прекршиле законот.
Невладината организација Big Brother Watch предупреди дека користењето на оваа технологија е „авторитарно, опасно и незаконско“, пренесе BBC.
