CEE Business Angels Network со покана за сите стартапи

Vestbee и CEE Business Angels Network организираат натпревар за стартапи. CEE Fintech Challenge e натпревар за сите стартап и скејлап компании од Централна и Источна Европа. На натпреварот можат да се пријават и компании од Македонија.

Фокус на натпреварот се компании кои работат во  неколку сектори, главно финансиски и осигурителни. Секторите од интерес се:

• Fintech,
• Insurtech,
• Regtech,
• Блокчејн,
• Безбедоност и ризик,
• Big Data & Analytics,
• Business & ICT
• Products & Service

Најдобрите ќе имаат можност да се претстават пред инвеститори, компании и медиумски партнери. Дополнително, ќе биде обезбедена и помош при развој на бизнисот од искусни ментори, а ќе бидат организирани и посети на најважните регионални настани. Секако најголема придобивка е излегувањето пред потенцијалните инвеститори.

Ако ги исполнувате условите побрзајте, повикот е отворен до 31 август. Листата на 10 финалисти ќе биде објавена на 17 септември, а 3 дена подоцна ќе бидат објавени и победниците