Koj e вашиот Facebook имејл? И во .мк старуваше новиот систем за пораки

„Модерниот систем за пораки“ како што го нарече Facebook има три важни делови. Сите пораки се постојани како стрим, има архива на сите ваши пораки и комуникации, и има социјален инбокс каде се собираат сите facebook, SMS и имејл пораките.

Една интересна новина е што при одговарање на пораки/пишување нови ќе ги приметите минимализирани опциите за закачување фајл и слики, а самата порака се праќа со Enter копчето по што ви се отвара pop-up прозорче кое ве прашува дали после кликнатиот Enter да продолжите да пишувате или да се прати пораката. Ова може да нервира, но има опција да се изгаси оваа „брзо праќање“, односно да се отштиклира малото Enter знакче – искривена стрелка.