Google најави настан на кој ќе претстави хардвер, сликите на уредите можеби протекоа

Google за 4 октомври најави настан на кој по сѐ изгледа ќе бидат презентирани новите телефони. Шпекулациите од поодамна говорат дека Google ќе го замени Nexus со Pixel, а формите кои може да ги забележиме секако наликуваат на телефон. До настанот нѐ делат две недели па нема потреба од премногу шпекулирање.

October is coming. #madebygoogle https://t.co/UNMr2cJXhk pic.twitter.com/LzyswaEBjh

— Google (@google) September 20, 2016

Речиси истовремено со најавата, се појавија и нови слики од телефоните кои компанијата најверојатно ќе ги презентира на 4 октомври. Сликите на Pixel и Pixel XL, први ги споделија Android Police.  Сликите прикажуваат навистина убави телефони, изработени од стакло и алуминиум, а читачот на отпечатоци е забележлив и на сликите. Телефоните најверојатно доаѓаат со 5.5 и 5 инчен дисплеј, а потврда на овие податоци ќе имаме за две недели.