Кинескиот телефонски гигант LeEco, успеа да му нанесе мал пораз на Tesla Motors.
Електричниот автомобил на оваа компанија LeSEE е првиот кој може да следи гласовни команди. Џи Јуатенг ги презентираше овие можности, а повеќе детали за автомобилот ќе дознаеме на Beijing Auto Show, според Engadget.
За разлика од Tesla автомобилите кои имаат софтвер и можат да дојдат до возачот со притисок на копче на паметен телефон, LeEco ги слуша гласовните команди.
Возилото на LeEco изгледа одлично, доаѓа со уникатен преден фар и куп дисплеји внатре.
Засега станува збор единствено за концепт, но LeSEE може да биде и првиот чекор за автомобил на Faraday Future компанија која претендира да биде конкурент на Tesla.
LeEco неодамна инвестираше во соработката на Faraday Future и Aston Martin. Компаниите засега работат на отворање на првата фабрика.
