Pirate Bay сега стрима пиратски филмови

Најпознатиот торент сајт Pirate Bay тестира можност за стримање на филмови директно во прелистувачот. Засега функцијата е бета, а за гледање на филмовите е потребна Torrent Time апликацијата, вели Venturebeat.

По инсталирањето до линкот за преземање на торентот ќе се појави нов линк „Stream it!“. Со оглед на тоа дека станува збор за бета, најверојатно треба да се очекуваат проблеми, а дел од предизвиците кои ќе останат и во иднина е стримовите на филмовите кои немаат доволно корисници кои ги споделуваат. Покрај PirateBay, досега Torrent Time е имплементиран на Torrentproject.se, Videomax.is и online.porntime.ws, а наскоро би требало да им се приклучи и Kickass Torrents.