Facebook најави дека ќе ги известува сите корисници чии профили се мета на сајбер напади од државни агенции. Корисниците кои ќе бидат таргетирани од напади под сомневање дека доаѓаат по наредба на државата ќе добиваат нотификација штом ќе се логираат на мрежата, се вели во блог постот.
Пораката ќе гласи „веруваме дека вашиот Facebook профил и други онлајн профили се мета на напади од напаѓачи спонзорирани од држава“. По ова ќе следи дополнително логирање преку two-factor авторизација, односно преку код испратен преку SMS порака до корисничкиот број.
Според Facebook, сајбер нападите од држави, или напаѓачи кои се спонзорирани од државата знаат да бидат пософистицирани и поопасни од другите, и затоа е потребно да се има потребна одбрана. Овие напади често значат дека некој уред или профил е веќе пробиен, вели директорот за безбедност на Facebook, Алекс Стамос. Предупредувањето би требало да сигнализира дека таргетираниот корисник треба да си ги смени лозинките, да си ја провери безбедноста, и во краен случај, и најсигурен, целосно да ги замени телефоните и компјутерите што ги користи. Но, предупредувањето ќе доаѓа само доколку има навистина докази за сајбер напад од владини напаѓачи.
