Единствената бесплатна работа која можете да ја поседувате од обожуваниот дизајнер на чевли Кристијан Лубутан е новата апликација за уредување на фотографии на брендот, едноставно наречена „Louboutinize“. Бизарната апликација, која во моментот е достапна само за iPhone, содржи три прилично нејасни филтри. И толку.
Првиот филтер ви овозможува да го претворите секојдневниот живот во хорор филм, обојувајќи го во добро-познатата црвена Louboutin нијанса.
Вториот (според нас најзабавен) филтер чија поента сè уште не ни е јасна, ви дозволува да ѝ додадете пар нозе на вашата фотографија и да ги претворите вашите модели во балетани, балерини, танчерки, матадори, фудбалери или пак поло играчи. Изборот е ваш, а за најдобри резултати користете ја камерата достапна во самата апликација за да ги позиционирате нозете соодветно на субјектот којшто го фотографирате.
Третиот филтер сè уште не ни е кристално јасен, меѓутоа се надеваме дека екраните на телефоните никогаш нема да ни изгледаат вака во реалниот живот:
Иако со нетрпение ги очекуваме новите филтри, сепак сметаме дека г. Лубутан треба да ги лимитира своите креативни напливи само кон дизајн на совршени чевли!
