Не ви се чита книга. Не ви се ни игра игра. Во ред е. Понекогаш, едноставно сакате да одмарате и да гледате некој од следниве sci-fi филмови кои излегоа во 2018 година!
Black Panther
Филм кој црпи ретро футуристички елементи и древни африкански обичаи за да прераскаже приказна на крајно свеж начин. Феноменални дизајни на футуристички локали, но и на костими кои ќе ве принудат сериозно да размислувате за косплеј. Згора на тоа, харизматичен негативец и силен фокус на теми за идентитет и наследство, како и постојаното алудирање дека тврдоглаво држење за застарени традиции е синонимно со катастрофални последици.
Ready Player One
Кажете што сакате за Ready Player One, но ние апсолутно уживавме во првите десет прегледувања на филмот, особено откако дознавме дека водечкиот уметник за визуелни ефекти е Горан Коцов, со кој пред неколку месеци имавме можност да разговараме за неговата работа. Ready Player One успева да прикаже феноменален универзум каде виртуелната реалност го има достигнато следниот еволутивен чекор и пружа маестрални можности за живот надвор од катастрофалната реалност. Ако сакате компјутерски игри, шансите се дека ќе бидете крајно импресионирани од филмот.
A Quiet Place
Редок филм кој дава целосно нова димензија на падот на цивилизацијата и безбедносните мерки кои треба да ги преземете доколку сакате да останете живи. A Quiet Place е филм кој решивме да го гледаме со тони пуканки и пијалаци, а на што целосно заборавивме уште по првите неколку минути од гледањето. Се работи за трогателна приказна која е глува на вашите тивки молби и навивања, а секоја сцена е двојно понапната од претходната.
Annihilation
Во случај да сте огромни фанови на вонземни инвазии, тогаш Annihilation е филм кој никако не би требало да се провлече под вашиот радар. Ова е филм за кој и не би знаеле како да пробаме да го опишеме, од страв да не откриеме одредени детали. Верувајте нѝ кога велиме дека Annihilation ќе ве држи во неизвесност до самиот крај и во ниеден момент нема да можете да предвидите каква би била реакцијата на вонземниот „напаѓач“.
Upgrade
За крај, ви препорачуваме да ги одбележите новогодишните празници со B-movie акција од ко-креаторот на Saw и Insidious. Во оваа футуристичка приказна за одмазда, ќе бидете сведоци на возбудливи и крајно брутални сцени од исклучително впечатливи глумци. Upgrade нема приказна која ќе ве замисли или ќе открие целосно ново видување на универзумот и технологијата, но е мрачно забавен. Понекогаш, тоа е сè што барате од еден филм.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] најпреземани филмови на пиратските сајтови 5 Sci-fi филмови кои мора да ги гледате за време на новогод… 3 сајтови за бесплатно гледање класични филмови Топ 9 […]
[…] кои се најдобрите sci-fi филмови и серии, кликнете тука, и […]
[…] и дека не би било лошо да ја погледнете нашата листа од 5 најдобри Sci-fi филмови за 2018 и 10 најдобри Sci-Fi телевизиски серии за […]