4Chan стигна до милијардитиот пост. До овој јубилеј страната стигна за девет години, но, интересно е што никој не објавува кој е милијардитиот пост, а модераторите на Twitter тврдат дека ниту нив не им е познато кој е милијардитиот пост, иако тие што го познаваат форумот ќе разберат зошто модерторите велат „искористете ја вашата фантазија“. Форумот е познат како голем извор на интернет култура, но и по контроверзни постови со сексуално експлицитна содржина. За разлика од најголемиот број на веб страни 4Chan им дозволува на корисниците анонимно да објавуваат содржини иако не се регистрирани на страната.
4chan passed 1 billion total posts yesterday. Unfortunately we don’t know what it was, but you can use your imagination…
— 4chan (@4chan) August 3, 2012
Според Google Analytics, 4Chan го посетуваат 22 милиони различни корисници месечно, а има вкупно 77 милиони посети. Месечно имаат 620 милиони прегледи на содржина. На веб страната најчесто се споделуваат слики/меме, а страната се смета за најзаслужна и за популаризација на меме сликите.
Подолу е видео од фасцинантниот TED говор на Кристофер moot Пол, основачот на 4Chan, кој објаснува како форумот стана влијателен благодарение на анонимноста. Moot во моментов работи на Canv.as, нов стартап за креирање на интернет мимиња.
[youtube]a_1UEAGCo30[/youtube]
