Facebook, Microsoft и уште 32 компании се заколнаа дека нема да им помагаат на владите да лансираат сајбер напади. Ова се однесува не само на непомагање, туку и на заштита од сајбер напади, јави New York Times.
Компаниите ја започнаа иницијативата Cyber Tech Accord. Вкупната листа на компании ги содржи: ABB, Arm, Avast, Bitdefender, BT, CA Technologies, Cisco, Cloudflare, DataStax, Dell, DocuSign, Facebook, Fastly, FireEye, F-Secure, GitHub, Guardtime, HP Inc., HPE, Intuit, Juniper Networks, LinkedIn, Microsoft, Nielsen, Nokia, Oracle, RSA, SAP, Stripe, Symantec, Telefonica, Tenable, Trend Micro, и VMware.
За жал, можеби најголемите компании ги нема на листата. Потписници не се Google, Apple, Amazon, Twitter. Секако иницијативата е oтворена за нови потписници.
Што се однесува до целите, тие се поделени во четири целини:
Ќе ги заштитиме нашите корисници и клиенти насекаде
Компаниите потписнички се обврзуваат дека ќе ги заштитат своите корисници и клиенти без разлика каде се и од кој се нападнати. Дополнително, потписниците ветуваат дека ќе дизајнираат производи и сервиси за кои прв приоритет ќе биде безбедноста.
Ќе се спротивставиме на сајбер нападите врз невини цивили и компании каде и да се
Потписниците ќе ги заштитат проиводите во фаза на развој, дизајн и дистрибуција, дополително се обврзааа дека нема да им помогнат на владите да лансираат сајбер напади врз невини цивили и компании.
Ќе помогнеме на корисниците, клиентите и развивачите да ја засилат сајбер безбедноста
Ќе бидеме партнери едни со други и со групите кои слично размислуваат за да ја засилиме сајбер безбедноста
Можеби најголемиот проблем е што потписници не се најголемите компании. Втор проблем е што листата е составена речиси исклучиво од компании од САД, нивните „колеги“ од Русија и Кина, на пример, засега не ја поддржаа иницијативата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
