{mosimage}Како што истакнува и популарната Wikipedia: виртуелни велигденски изненадувања или велигденски јајца (директен превод од англискиот термин “Easter egg”) претставуваат намерни вметнувања на скриени пораки или додатоци во нешто како на пример филмови, книги, CD/DVD, компјутерски програми и апликации или пак видео игри.
Со цел и ние да го “прославиме” празникот Велигден, објавуваме листа на 33 велигденски изненадувања во разни компјутерски апликации и морам да признам дека некои од долунаведените трикови се навистина забавни и има за секого по нешто.
1. Photoshop CS2: Во прозорецот со layer-и, со левиот тастер на глувчето притискаме на Palette Options без да го отпуштиме копчето, притискаме ALT, и тогаш го пуштаме копчето од глувчето за да излезе волшебникот Мерлин.
2. Gnome: Во дијалогот Run кој се наоѓа во Gnome, напишете: free the fish и кликнете Run. Рибата Wanda би требало да е ослободена и да се движи низ вашиот десктоп.
3. Skype: Неколку скриени емоции. Започнете чет сесија со некого и напишете:
(finger), (ninja), (mooning), (bandit), (smoking), (smoke), (ci), (toivo), (rock), (headbang), (banghead), (bug), (fubar), (poolparty), (swear), (tmi), (heidy) или (myspace) за да видите интересни скриени емоции.
4. uTorrent: Играјте ја добро познатата игра "Тетрис". Одберете Help > About и кликнете на буквата "T" од Вашата тастатура.
5. MS Paint: Скриени опции за алатки за цртање. Користете го Control копчето за додатни опции, како што се: stamp, scuff и brush pressure како и цртање дијагонални линии со алатката Pencil.
6. Bloodshed Dev-C++: Кликнете на Help > About Dev-C++, потоа, кликнете и влечете го логото Really Flash Dev-C++ врз копчето Authors. Би требало да излезе една риба, за која, кога ќе ја кликнувате, таа ќе ја менува својата насока.
7. OpenOffice.org: Создадете нов spreadsheet во OpenOffice Calc. Напишете =game() во некој cell и притиснете ENTER за потврда. Ќелијата ќе прикаже: Say What? на кое треба да напишете: =GAME("StarWars"). Ќе се отвори нов прозорец со малечка игра наречена Star Wars.
8. Spybot – Search & Destroy: Кликнете на малата икона која се појавува при секој прозорец отворен со селектирање на опциите на левата страна. Добивате пристап до скриена игра каде што треба да пополнувате квадратчиња колку што можете повеќе.
9. Cool Edit Pro: Кликнете Help > About CoolEdit Pro. Кликнете со глувчето над двете сребрени топки.
10. Winamp: Отидете до Options > Preferences > Plug-ins > Input, селектирајте го Nullsoft Vorbis Decoder и кликнете на копчето About. Кликнете на рибата за да ја завртите, колку побрзо кликате толку побрзо се врти и поставувате рекорд, (RPM – Rounds Per Minute) вртежи во минута. Мој личен рекорд е 795.
11. AutoCAD: Во AutoCAD 2005, отворете го прозорецот Layer Properties Manager. Задржете ги Shift + Ctrl копчињата и селектирајте го Invert Filter за да го видите скриеното "велигденско јајце".
12. Firefox: Одмаздата на Firefox до Internet Explorer 5.0. Во полето за внесување адреса, внесете: about:Mozilla и притиснете ENTER. Ќе излезе пораката која се однесува до Microsoft и нивниот прелистувач како одговор на шегата од страна на тимот на Internet Explorer дека Mozilla блокирала компјутери.
13. KPT Vector Effects Plug-in: Нацртајте некој облик и одберете го ефектот KPT Vector effects/3D Transform од Filters менито. Кога ќе се отвори менито, задржете ги Ctrl + Option + Command и кликнете на црвено-синото лого во горниот лев агол за да играте игра слична на познатата Archanoid.
14. SureDocs: За да го разбиете ова "jajце", одете во Help > About и кликнете Ctrl + Shift. Двојно кликнување на world "mode" во "a la mode" под зборот "SureDocs" и ќе го добиете исходот.
15. Flash MX Pro 2004 (Macromedia): Одете во Help > About Flash Professional и кликнете го малото "tm" близу бројот 2004 и прозорецот About ќе Ви понуди 6 различни игри.
16. FlashFXP: Отворете го FlashFXP, селектирајте Help > About и кликнете двапати на FlashFXP логото. Ја добивате верзијата на играта Snake наречена Nibbles, слична како кај Linux системите.
17. ICQ: Кликнете на Main > Preferences and Security. Одете кај Status Mode, притиснете TAB и оставете го курсорот на средината на празниот простор. Задржете ги Ctrl + Shift и кликнете ги левиот и десниот тастер од глувчето заедно, прво кликајќи на левиот. Би требало да ги здогледате ISQ "ѓаволите", односно, креаторите на ICQ производите.
18. Image Ready 7.0: Кликнете на Help > About и би требало да гледате слика од Земјата во вода. Задржете го Ctrl дугмето и глувчето ќе се претвори во алатката stamp. Додека сеуште го притискате Ctrl, кликнете некаде на сликата со Земјата и ќе се појави едно мало жолто патче. Направете
го ова уште 10 пати, и потоа задржете Ctrl + Alt за да Ви излезе мета за пукање на патките.
19. SMS (Microsoft): Стартувајте admin console (MMC) со /SMS:EE=238 опцијата, потоа со десниот тастер на глувчето кликнете на root компјутерот и кликнете Credits. Ќе се појават слики од сите членови на тимот и нивните имиња.
20. iPod: Од главното мени одберете About и тогаш кликнете и задржете го дугмето кое се наоѓа во средина неколку секунди. Ќе се појави минијатурна игра наречена Breakout, развиена од страна на пронаоѓачите на Apple Inc. кога работеле за Atari.
21. HP 100LX: Скриена шеговита песничка. Исклучете го Palmtop и задржете го дугмето. Потоа вклучете го повторно и пуштете го дугмето. Навигирајте надолу до Display и притиснете 14 пати.
22. GameCube: Приврзете 4 контролери, задржете ги сите 4 "Z" дугмиња и вклучете го GameCube-от. Различни мелодии ќе се изведуваат кога логото ќе се појавува.
23. IRIX: Отворете shell и напишете: relnotes dmedia_eoe 29. Ќе го добиете рецептот од филмот Kung Pow за правење на кокшка и тирамису.
24. Commodore PET: Microsoft шега. Во PET Microsoft Basic, испишете ја командата: WAIT 6502. Екранот ќе биде преплавен со текстот "MICROSOFT".
25. Linux: Гори печатачот! Испринтајте од мрежата и присилете главење на печатачот. Зададете print инструкција и гледајте го исходот на конзолата како изјавува: lp0 printer on fire!
26. Palm OS: "Велигденско јајце" и Taxi. Одберете General > Preferences и нацртајте мал круг во насока спротивна на часовникот, на екранот над свиленото дугме на калкулаторот.
27. Atari Portfolio OS: Отворете го текст едиторот и кликнете F2 (Help мени). Потоа, отворете го help фајлот за тастатурата и притиснете ALT + [. Ќе здогледате неколку имиња и заслуги за системот.
28. Windows CE: Отворете ја играта Solitaire. Задржете Ctrl + Shift и стискајте на Deal кој се наоѓа над дугмињата на софтверот. Ќе добиете перфектно делење.
29. Mac OS X: Во папката или фолдерот Applications, отворете го фолдерот Utilities. Отворете го терминалот и напишете: grep LOTR /usr/share/calendar/calendar.history за дауживате во неколку насмевки со Lord Of The Rings.
30. Debian GNU/Linux: Логирајте се како root во shell и напишете: apt-get moo и притиснете ENTER. Ќе се појави ASCII цртеж со крава која вели: Have you mooed today?. Исто така, ако напишете apt-get ќе излезе help фајлот со различни опции, во кој на самиот крај од податокот има текст како: This APT has Super Cow Powers.
31. BeOS: Менување на декорацијата на прозорците. Задржете ги Ctrl + Alt + Shift и кликнете го копчето W на desk bar-от. Ќе се појави скриен предмет од менито наречен: Window Decor, давајќи опции за менување на изгледот на прозорците.
32. Kyte Aura: Отидете на десктопот и кликнете на менито Kyte. Продолжете до Computing Properties > Help > Credit и гледајте се додека не излезе главниот дизајнер Frappilino07. Кликнете на името и ќе здогледате вртечки 3D филџан за кафе со зборови: "It’s a Frappilino NOT a Frappacino" испечатено на него.
33. NeXTSTEP: Jack-in-the-Box. Стартувајте configure, повикајте го панелот Info и кликнете Command и ALT + клик на иконата на апликацијата за да го добиете вашето изненадување.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
