Слушање подкасти знае да биде совршена активност кога сте во движење, или пак кога едноставно сакате да се релаксирате. Независно од тоа какви подкасти сакате да слушате, потребна ви е апликација која ќе ви излезе во пресрет на вашите потреби. Во оваа прилика, одбравме 3 апликации кои би можеле да ве импресионираат со интуитивните интерфејси, но и богатите можности за репродукција.

За разлика од поголемиот дел од конкуренцијата, PodBean ви дозволува да слушате подкасти во живо и да стапувате во интеракција во реално време! Апликацијата се одликува со интелигентна брзина на репродукција и ви дозволува автоматски да ја прилагодувате брзината во зависност од тоа што слушате. Паралелно со ова, ќе наидете на бројни препораки скроени за вашиот вкус, како и можности за снимање ваш подкаст!

Како и PodBean, така и Castbox може да се пофали со изобилство од функции, алатка која ви дозволува ем да слушате подкасти, ем да се дружите со заедницата од слушатели. При интеракција со подкастите, можете да ја менувате брзината, да ги кратите паузите помеѓу зборувањето, да ја зголемувате гласноста и ред други работи! Апликацијата има одличен систем за препораки и сервирање на подкастите, но бесплатната верзија знае да ве гуши со константното сервирање реклами.

И како трета апликација, сакавме да ја споменеме Stitcher – дом на илјадници подкасти. Преку едноставен интерфејс можете да прилагодување брзина, одстранување тишина, но и да наместите тајмер за автоматско стопирање репродукција. Лесно доаѓате до до подкасти како NPR, Wondery, WNYC, New York Times, Earwolf, Exactly Right и многу други, уредно подредени во категории како политика, комедија, криминал, и слично!