Џорц Хотц, 26 годишниот генијалец кој како тинејџер беше првиот кој го „отклучи“ iPhone и PlayStation 3, работи на нов проект – автономно возило. Возилото на кое работи г. Хотц е модифициран Acura ILX, на кој е додаден ласерски радар, џојстик, 21.5-инчен екран и куп електроника која според него може да се пронајде во продавница. Оперативниот систем е Linux, а новинарот на Bloomberg беше присутен буквално на првиот тест.
За разлика од останатите системи кои користат пре-програмирани правила, автомобилот на г. Хотц, учи од неговото возење. Поради ова г. Хотц најави дека следните неколку месеци ќе вози Uber за да може да го научи системот да вози. Она што можеби е интересно е што наликува дека г. Хотц, кој е познат онлајн како geohot, ова го прави од одмазда кон Илон Маск, директорот на Tesla Motors, кој некогаш му понудил работа, па ја повлекол понудата. „Системот ќе ги чини Tesla двапати повеќе од останатите заинтересирани“, вели г.Хотц.
Цената на сите компненти вградени во системот на г.Хотц не надминува 1.000 долари, за разлика до системот во Tesla S кој чини околу 2.500 долари. Доколку она што го зборува г.Џотц е вистина, комбинација на куп возачи кој го користат системот би можело да биде одлично решение, но доколку планира се да остане единствено на неговото или на возењето на еден возач, тогаш најверојатно и автомобилот ќе ги повторува истите грешки и ќе биде опасност во сообраќајот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
