Српскиот сервис за рангирање на казина, AskGamblers, за 15 милиони евра ќе биде дел од Catena Media од Малта. Порталот кој постои девет години е меѓу најпосетуваните сервиси од овој вид, и три години по ред е прогласуван за најдобар сајт за игри на среќа на светско ниво, јави Startit.rs.
AskGamblers на посетителите им овозможува рангирање на казината, но и можност за решавање на споровите со онлајн казината. Во споровите во кои сајтот беше посредник на играчите им се вратени 5 милиони долари. „Исклучително сме горди на аквизицијата на AskGamblers кој е еден од најдобрите брендови на affiliate пазарот и чија работа во целост е во склад со Catena Media. AskGamblers е многу важен сајт за операторите на казината и покрај строгите услови за сертифицирање на казината, допринесува за подобрување на iGaming индустријата“, велат од Catena Media.
Компанијата има 30 вработени и сите кои се заинтересирани ќе можат да останат да работат и под малтешкото раководство. Пред аквизицијата српската компанија годишно заработуваше околу 810.000 евра, од кои 80% се профит. Заработката доаѓа од органски посети и од клиентите кои имаат affiliate статус.
