Microsoft продолжува со инвестициите во мобилните платформи, и тоа повторно како сервис, а не како производител на хардвер. Новата аквизиција на компанијата е Groove, музичкиот сервис за iOS кој овозможува откривање на музика. Веста за аквизицијата ја потврди креаторот на Groove, Zikera.
Groove е сервис што долго време е на App Store, започна на iPod, а продолжи на iPhone. Според Zikera, симнат е околу 1,5 милиони пати од AppStore. Microsoft има истоимен сервис на Xbox наречен Groove Music, па останува нејасно дали компанијата го купи сервисот за да го добие името или планира да го имплементира алгоритмот во сопствениот сервис. Тимот кој го создаде сервисот не е дел од зделката, а Microsoft сега е сопственик на брендот и технологијата.
